കഴിഞ്ഞ ദിവസം സോഷ്യല് മീഡിയയില് വെെറലായ കാഴ്ചയായിരുന്നു നടി അനുശ്രീയുടെ മേക്കോവര് ചിത്രങ്ങള്. നാടന് ലുക്കും അത്തരത്തിലുള്ള കഥാപാത്രങ്ങളുമാണ് അനുശ്രീയെ മലയാളികള്ക്ക് പ്രിയങ്കരിയാക്കിയത്. എന്നാല് പുതിയ മേക്കോവറിലും താരം കെെയ്യടി നേടുകയായിരുന്നു. ബോള്ഡ് ലുക്കിലൂടെ സ്ഥിരം സങ്കല്പ്പങ്ങളെ പൊളിച്ചെഴുതുകയായിരുന്നു അനുശ്രീ. സോഷ്യല് മീഡിയയും ആരാധകരും താരത്തിന്റെ മേക്കോവറിനെ ഇരുകെെയ്യും നീട്ടിയാണ് സ്വീകരിച്ചതും. എന്നാല് ചിലര് താരത്തെ വിമര്ശിക്കാനും പരിഹാസിക്കാനുമെത്തി. ഇത്തരക്കാര്ക്ക് താരം തന്നെ ചുട്ടമറുപടി നല്കി വായടപ്പിക്കുകയായിരുന്നു. മറുപടി നല്കിയ താരത്തിന് പിന്തുണയുമായി ആരാധകരും എത്തിയിട്ടുണ്ട്.
വസ്ത്രത്തിലും ഹെയര്സ്റ്റെെലിലുമെല്ലാം അനുശ്രീ പുതിയ പരീക്ഷണങ്ങള് നടത്തിയിട്ടുണ്ട്. നിലത്ത് ഇരിക്കുകയാണ് ചിത്രങ്ങളില് അനുശ്രീ. കെെയ്യില് ഗ്ലാസുമുണ്ട്. ഇതുവരെ കണ്ട അനുശ്രീയെ അല്ല ചിത്രങ്ങളിലുള്ളത്. അതുകൊണ്ട് തന്നെ ചിത്രങ്ങള് അതിവേഗം വെെറലായി മാറുകയായിരുന്നു.
പൊതുവെ നാടന് വേഷങ്ങളിലും കഥാപാത്രങ്ങളിലുമാണ് അനുശ്രീയെ മലയാളികള്ക്ക് പരിചിതം. അതുകൊണ്ട് തന്നെ താരത്തിനെതിരെ സദാചാരവാദികള് രംഗത്ത് എത്തുകയായിരുന്നു. സിനിമയില് ചാന്സ് കിട്ടുന്നില്ല, അതുകൊണ്ട് വസ്ത്രത്തിന്റെ നീളം കുറഞ്ഞു അല്ലേയെന്നായിരുന്നു ഒരു കമന്റ്. കഷ്ടം എന്നായിരുന്നു ഇയാള്ക്ക് അനുശ്രീ നല്കിയ മറുപടി.
അനുശ്രീയ്ക്ക് പിന്തുണയുമായി നിരവധി പേരാണ് ഇയാള്ക്ക് മറുപടി നല്കാനെത്തിയത്. ബോളിവുഡ് നടിമാര് ചെയ്താല് ആഹാ മലയാളി ബോള്ഡായാല് ഓഹോ എന്നായിരുന്നു ഒരു മറുപടി. ഒരു കുഴി കുത്തി കിടന്നോ എന്നായിരുന്നു മറ്റൊരു മറുപടി.
രസകരമായ കമന്റുകളും ചിത്രങ്ങള്ക്ക് ലഭിക്കുന്നുണ്ട്. വാര്യമ്പള്ളിയിലെ മീനാക്ഷിയല്ലെ ഇത് എന്നായിരുന്നു ഒരു കമന്റ്. മനസിലാക്കി കളഞ്ഞല്ലോ കൊച്ചുകള്ളന് എന്നായിരുന്നു ഇതിന് അനുശ്രീ നല്കിയ മറുപടി. എന്തൊക്കെ ചെയ്തിട്ടും ഒരു മെന വന്നില്ലല്ലോ സജീ എന്ന കമന്റിന് സാരമില്ല മോനെ എന്നായിരുന്നു അനുശ്രീയുടെ മറുപടി.
ആദ്യ ചിത്രത്തില് അഭിനയിച്ചതിന് ശേഷം എട്ട് വര്ഷങ്ങള് പിന്നിട്ടിരിക്കുകയാണ്. ഇനി മാറേണ്ടത് തന്റെ കര്ത്തവ്യമാണെന്നാണ് അനുശ്രീ പറയുന്നത്. കൂടുതല് നല്ല അഭിനേതാവിലേക്കും നല്ല മനുഷ്യനിലേക്കും പരിണമിക്കേണ്ടതുണ്ടെന്ന് താരം പറയുന്നു. സ്വയം വെല്ലുവിളിക്കുകയാണ് ഈ ഫോട്ടോഷൂട്ടിലൂടെ എന്നും അനുശ്രീ പറയുന്നു.