താരങ്ങൾ തങ്ങളുടെ ഗുരുക്കൾക്ക് സ്നേഹ സമ്മാനങ്ങൾ നൽകുക പതിവാണ്. പലതും സോഷ്യൽ മീഡിയയിൽ വൈറലാകാറുമുണ്ട്. ഇപ്പോഴിതാ വൈറലാകുന്നത് തന്റെ ജിം പരിശീലകന് 73 ലക്ഷം രൂപ വിലവരുന്ന ആഡംബരവാഹനം സമ്മാനം നൽകുകയാണ് തെന്നിന്ത്യൻ സൂപ്പർ താരം പ്രഭാസ്.
മുന് ബോഡി ബില്ഡറും 2010ല് മിസ്റ്റര് വേള്ഡ് പട്ടം സ്വന്തമാക്കുകയും ചെയ്ത ലക്ഷ്മണിന് സമ്മാനം നൽകിയ വിവരം സമൂഹമാധ്യമങ്ങളിലൂടെയാണ് പുറംലോകം അറിഞ്ഞത്. ഏറ്റവും കൂടിയ റേഞ്ച് റോവറിന്റെ വാഹനങ്ങളിലൊന്നായ വേളാർ ആണ് പ്രഭാസ് എടുത്തിരിക്കുന്നത്.
ഇതിന്റെ എക്സ് ഷോറൂം വില ഏകദേശം 73.30 ലക്ഷം രൂപയാണ്. പെട്രോൾ എന്ജിനോടെ മാത്രമാണ് വേളാർ വിപണിയിലെത്തുന്നത്. 7.1 സെക്കന്റില് പൂജ്യത്തില് നിന്ന് 100 കിലോമീറ്റര് വേഗത കൈവരിക്കാന് ഈ വാഹനത്തിനാകും. ഇത് ആദ്യമായാണ് ഇത്രയും വിലയുള്ള സമ്മാനം നൽകുന്നത്.