കൗതുകം നിറയ്ക്കുന്ന നിരവധി കാഴ്ചകൾ സമ്മാനിക്കുന്ന ഇടമാണ് സോഷ്യൽ മീഡിയ. ഇപ്പോഴിതാ അത്തരത്തിൽ ഒരു കൗതുകകാഴ്ച ഒരുക്കുകയാണ് ഒരു കലാകാരി. വേസ്റ്റായി കളയുന്ന ലെയ്സ് പാക്കറ്റുകൾ ഉപയോഗിച്ച് സാരി ഉടുത്താണ് ഈ പെൺകുട്ടി സോഷ്യൽ ഇടങ്ങളുടെ മനം കവരുന്നത്.
നീല പായ്ക്കറ്റിലുള്ള ചിപ്സ് കവറുകളാണ് ഇതിനായി ഈ യുവതി ഉപയോഗിച്ചിരിക്കുന്നത്. ചിപ്സ് പായ്ക്കറ്റിന്റെ പുറം ഭാഗത്ത് വരുന്ന നീല കളറുള്ള സ്ഥലം സാരിയുടെ ബോഡറായാണ് ഉപയോഗിച്ചിരിക്കുന്നത്. ഇതിന്റെ ഉള്ളിൽ വരുന്ന സിൽവർ കളറുള്ള ഭാഗമുപയോഗിച്ചാണ് സാരി തയാറാക്കിയിരിക്കുന്നത്.
അതേസമയം സമൂഹമാധ്യമങ്ങളിൽ പങ്കുവെച്ച യുവതിയുടെ സാരിയുടെ ചിത്രങ്ങൾ വലിയ രീതിയിൽ പ്രചാരവും നേടി. നിരവധിപ്പേരാണ് ഈ യുവതിയയുടെ ക്രിയേറ്റിവിറ്റിയെ അഭിനന്ദിച്ചുകൊണ്ട് എത്തുന്നത്. അതേസമയം ഫോർ ദി ലവ് ഓഫ് ബ്ലൂ ലെയ്സ് എന്ന ക്യാപ്ഷനോടെയാണ് വിഡിയോ വൈറലാകുന്നത്.