75 വയസ്സുള്ള ഒരമ്മ പുനെയിലെ റോഡരികിൽ നിന്ന് വടിപ്പയറ്റ് നടത്തുന്ന വിഡിയോ കഴിഞ്ഞ ദിവസം ട്വിറ്ററിൽ തരംഗമായിരുന്നു. മാസ്ക് ധരിച്ച്, രണ്ട് വടികളുപയോഗിച്ച് അഭ്യാസപ്രകടനം നടത്തിയ ശേഷം അവർ വിശക്കുന്നെന്ന ആംഗ്യം കാട്ടി പണത്തിനായി വഴിയാത്രക്കാർക്ക് മുന്നിൽ കൈ നീട്ടുന്നതാണ് വിഡിയോയിലുള്ളത്.
Warrior Aaaji Maa…Can someone please get me the contact details of her … pic.twitter.com/yO3MX9w2nw
— Riteish Deshmukh (@Riteishd) July 23, 2020
ലോക്ഡൗണിൽ മറ്റ് ജോലികൾക്കൊന്നും പോകാൻ കഴിയാത്തതിനാൽ സ്വന്തം കഴിവ് പ്രകടിപ്പിച്ച് കുടുംബത്തെ പോറ്റാനുള്ള വഴി കണ്ടെത്താനിറങ്ങിയ ഇവരുടെ വിഡിയോ ഹതിന്ദർ സിങ് എന്നയാളാണ് ട്വിറ്ററിൽ പോസ്റ്റ് ചെയ്തത്. ഇത് റീട്വീറ്റ് ചെയ്ത ബോളിവുഡ് നടൻ റിതേഷ് ദേശ്മുഖ് ഇവരെ കണ്ടെത്താൻ നെറ്റിസൺമാരുടെ സഹായം തേടുകയായിരുന്നു. ‘പോരാളിയായ അമ്മ…ഇവരുടെ വിശദാംശങ്ങൾ കണ്ടെത്താൻ ആരെങ്കിലും സഹായിക്കാമോ?’ എന്നായിരുന്നു റിതേഷിന്റെറ ട്വീറ്റ്.