ആനകള് മനുഷ്യന് എന്നും കൗതുകമുളവാക്കുന്ന ജീവിയാണ്. അത് ഏഷ്യന് ആനകളായാലും ആഫ്രിക്കന് ആനകളായാലും അങ്ങനെ തന്നെ. പൊതുവേ ആജാനബാഹുക്കളായ ആനകളില് ചിലതിന് സാമാന്യത്തിലധികം വലിപ്പം തോന്നിക്കുന്നുണ്ടെങ്കില് നമ്മുടെ ആകാംക്ഷ വര്ധിക്കുകയും ചെയ്യും. അത്തരമൊരു ഭീമാകാരന് ആനയുടെ വീഡിയോ ഇപ്പോള് ശ്രദ്ധേയമാകുകയാണ്. ഫോറസ്റ്റ് ഉദ്യോഗസ്ഥനായ സുശാന്ത നന്ദയാണ് ഈ ഭീമാകാരന് ആഫ്രിക്കന് ആനയുടെ വീഡിയോ തന്റെ ട്വിറ്റർ പേജിലൂടെ പങ്കിട്ടത്.
Found the Gajraj☺️
— Susanta Nanda IFS (@susantananda3) August 4, 2020
More than 8000kg massive giant, from Tanzania… pic.twitter.com/BXGBro6tid
ആനകളിലെ രാജാവിനെ കണ്ടെത്തിയിരിക്കുന്നുവെന്ന കുറിപ്പോടെയാണ് അദ്ദേഹം വീഡിയോ പങ്കിട്ടിരിക്കുന്നത്. കിഴക്കന് ആഫ്രിക്കന് രാജ്യമായ ടാന്സാനിയയിലുള്ള ആനയുടെ വീഡിയോയാണ് അദ്ദേഹം പങ്കിട്ടിരിക്കുന്നത്. 8000 കിലോയിലധികമാണ് ആനയുടെ ഭാരമെന്ന് അദ്ദേഹം കുറിച്ചു.