സൗത്ത് ഇന്ത്യയിൽ ഏറ്റവും വേഗത്തിൽ സിനിമയിൽ ഉയർച്ചയുടെ കൊടുമുടിയിൽ എത്തികൊണ്ടിരിക്കുന്ന താരമാണ് നടി മാളവിക മോഹനൻ. ദുൽഖർ സൽമാന്റെ നായികയായി അഭിനയിച്ചു കൊണ്ട് തുടങ്ങിയ മാളവിക ഇന്ന് തെന്നിന്ത്യയിലെ ഗ്ലാമറസ് താരമായി മാറി കഴിഞ്ഞു.
ആദ്യ സിനിമ പരാജയപ്പെട്ടപ്പോൾ മാളവിക സിനിമയിൽ അധികം ശോഭിക്കില്ല എന്ന് കരുതിയവർക്ക് തെറ്റി. മലയാളം, തമിഴ്, കന്നഡ, ഹിന്ദി ഭാഷകളിലെ സിനിമകളിൽ മാളവിക അഭിനയിച്ചു കഴിഞ്ഞു. മമ്മൂട്ടി, രജനികാന്ത്, വിജയ് സിനിമകളിൽ പ്രധാന വേഷങ്ങളിൽ അഭിനയിച്ചു മാളവിക മോഹനൻ.
പുതിയ ചിത്രത്തിൽ ധനുഷിന്റെ നായികയായി അഭിനയിച്ചുകൊണ്ടിരിക്കുകയാണ്. സമൂഹ മാധ്യമങ്ങളിൽ ഗ്ലാമറസ് ഫോട്ടോഷൂട്ടുകളിലൂടെ ആരാധകരെ ഓരോ ദിവസവും മാളവിക ഞെട്ടിക്കുകയാണ്. ഇപ്പോഴിതാ മാളവിക പ്രശസ്ത
ബോളിവുഡ് ഡിസൈനറായ ഷെഹ്‌ല ഖാന്റെ കാവ്യദേവതയായി മാറുകയും അവരുടെ ഏറ്റവും പുതിയ കളക്ഷൻസ്, ‘ട്വിലൈറ്റ് സിംഫണി: എ വെഡിങ് അഫയറിൽ ഭാഗമാവുകയും ചെയ്തു. ലെഹങ്കയിൽ അതി സുന്ദരിയായി കാണപ്പെടുന്ന മാളവികയുടെ
ചിത്രങ്ങളും വീഡിയോസും ആരാധകർ ഏറ്റെടുത്തു കഴിഞ്ഞു. രാഹുൽ ജാഞ്ചിയാനിയാണ് ചിത്രങ്ങൾ എടുത്തിരിക്കുന്നത്. ഷീഫ ഗിലാനിയാണ് ഫോട്ടോഷൂട്ടിനായി സ്റ്റൈലിംഗ് ചെയ്തിരിക്കുന്നത്. സൗരവ് റോയാണ് ഹെയർ സ്റ്റൈലിസ്റ്റ്. മാളവിക ഒരു ദേവതയെ പോലെയുണ്ടെന്ന് ആരാധകർ കമന്റുകൾ ഇട്ടിട്ടുണ്ട്.
