മലയാളത്തിലെ സൂപ്പര്‍ഹിറ്റായ കരിക്ക് എന്ന വെബ് സീരിസിലെ താരമാണ് അനു കെ അനിയന്‍. കരിക്കിന്റെ തേരാ പേരാ സീരിസിലെ ജോര്‍ജ് എന്ന കഥാപാത്രത്തിലൂടെയാണ് അനു കെ. അനിയന്‍ മലയാളികള്‍ക്ക് പ്രിയങ്കരാനാകുന്നത്. 2019ല്‍ അര്‍ജന്റീന ഫാന്‍സ് കോട്ടൂര്‍കടവ് എന്ന ചിത്രത്തിലൂടെ ചലച്ചിത്രരംഗത്തേക്കു കടന്നുവന്നു.
അതിനു ശേഷം സീരിസുകൾ പലതും വന്നുപൊയെങ്കിലും അനു മലയാളികൾക്ക് ഇന്നും ജോർജാണ്. സോഷ്യൽ മീഡിയയിൽ സജീവമാണ് താരം, തന്റെ വിശേഷങ്ങൾ എല്ലാം തന്നെ പങ്കുവെക്കാറുണ്ട്. അതെല്ലാം തന്നെ പ്രേക്ഷകർ ഏറ്റെടുക്കാറുമുണ്ട്. ഇപ്പോഴിതാ വൈറൽ ആകുന്നത് താരം പുതിയ കാർ സ്വന്തമാക്കിയ വിവരമാണ്. അനു തന്നെയാണ് ഈ വിവരം അറിയിച്ചത്.
തന്റെ ജീവിതത്തിലെ ഒരു സന്തോഷവാർത്ത തന്നെയായിരുന്നു ഇത്. ഇൻസ്റ്റാഗ്രാമിൽ കൂടെ കാറിനൊപ്പം നിൽക്കുന്ന ഫോട്ടോകളും പോസ്റ്റ്‌ ചെയ്ത്തു. ചില സ്വപ്‌നങ്ങൾ യാഥാർഥ്യമാകുമ്പോഴാണ് അറിയുന്നത് ആ സ്വപ്നങ്ങൾക്ക് നമ്മളോളം പ്രായമുണ്ടായിരുന്നു എന്ന്’ ആണ് താരം ഫോട്ടോകൾക്ക് ഒപ്പം ക്യാപ്ഷൻ നൽകിയിരിക്കുന്നത്. കിയയുടെ ചെറു എസ്‍യുവി സോണറ്റാണ് അനുവിന്റെ ആദ്യ കാർ.
