ആന്ധ്രാപ്രദേശിൽ ഇപ്പോൾ സംസാര വിഷയങ്ങളിൽ ഒന്ന് ഒരു കൊലയാണ്, ഒരു ഭീമൻ വാഴക്കുല. സംസ്ഥാനത്തെ ഒരു കർഷകന്റെ തോട്ടത്തിലുണ്ടായ വാഴക്കുല കൈകാര്യം ചെയ്യണമെങ്കിൽ കുറഞ്ഞത് രണ്ടാൾ വേണം. 7 അടിയിലധികം നീളമുള്ള വഴക്കുലയ്ക്ക് 60 കിലോയാണ് ഭാരം.
കോട്ടപ്പള്ളി സോണിലെ വാകത്തിപ്പ ഗ്രാമത്തിലാണ് ഈ അത്ഭുത വഴക്കുലയുണ്ടായത്. ഗ്രാമത്തിലെ അനല സദർശൻ എന്ന നാട്ടുകാരൻ വളർത്തുന്നത് അമൃത ഇനം വാഴയാണ് പതിവിൽ കൂടുതൽ വലിപ്പം വച്ച് ശ്രദ്ധ നേടിയത്.
140-ലധികം ചെറുപഴങ്ങൾ ഈ ഭീമൻ വഴക്കുലയിലുണ്ട് എന്നാണ് റിപോർട്ടുകൾ വ്യക്തമാക്കുന്നത്. രു വർഷം മുമ്പ് ബാംഗ്ലൂരിലുള്ള മകളുടെ വീട്ടിൽ നിന്നാണ് വാഴത്തൈ കൊണ്ടുവന്നതെന്ന് ഉടമ സുദർശൻ പറയുന്നു. വാഴ ക്രമാതീതമായി വളർന്ന് ഭാരം താങ്ങാനാവാതെ ഒടിഞ്ഞു വീഴുകയായിരുന്നു.
ഇത്തരത്തിലുള്ള മറ്റ് രണ്ട് വാഴകളും തന്റെ തോട്ടത്തിലുണ്ട് എന്ന് സുദർശൻ പറയുന്നു. ധാരണ ഗതിയിൽ 3-5 അടി വരെ തന്റെ തോട്ടത്തിലെ വാഴകൾ വളരാറുള്ളൂ എന്നും, 30 കിലോയിൽ കൂടിയിട്ടില്ല ഒരു വാഴക്കുലയും എന്ന് സുദർശൻ പറയുന്നു.
ഇത് പക്ഷെ വളരെ വലിപ്പമുള്ളതിനാൽ നിരവധിപേരുടെ ശ്രദ്ധ ആകർഷിക്കുന്നു എന്നും പലരും വാഴയുടെ അടുത്ത് നിന്ന് സെൽഫിയെടുക്കാൻ വരാറുണ്ട് എന്നും സുദർശൻ പറയുന്നു. സന്ദർശകർ സുദർശന്റെ തോട്ടത്തിലുണ്ടായ ഭീമൻ വഴക്കുലയ്ക്ക് ഒരു പേരുമിട്ടു, ബാഹുബലി വാഴക്കുല.
