മലയാള സിനിമ മേഖലയിൽ സോഷ്യൽ മീഡിയയിൽ ഏറെ ആരാധകരുള്ള ഒരു യുവനടിയാണ് അഹാന കൃഷ്ണ. നടനും രാഷ്ട്രീയ പ്രവർത്തകനുമായ കൃഷ്ണകുമാറിന്റെ മൂത്തമകളായി ജനിച്ച അഹാന സിനിമയിലേക്ക് എത്തുന്നത് രാജീവ് രവി സംവിധാനം ചെയ്ത ‘ഞാൻ സ്റ്റീവ് ലൂപസ്’ എന്ന ചിത്രത്തിലൂടെയാണ്. ചുരുങ്ങിയ കാലയളവിൽ സമൂഹ മാധ്യമങ്ങളിൽ സ്വാധീനം ചിലതാൻ കഴിയുന്ന ഒരാളായി അഹാന മാറി. ആദ്യ സിനിമയ്ക്ക് ശേഷം അഹാന 3 വർഷങ്ങൾക്ക് ശേഷം ശേഷമാണ് സിനിമയിൽ അഭിനയിക്കുന്നത്.
അതും നായികയായി അഭിനയിച്ച അഹാന അടുത്ത പടത്തിൽ സഹനടിയായിട്ടാണ് അഭിനയിച്ചത്. പിന്നീട് വീണ്ടും നായികയായി തിളങ്ങിയ അഹാനയ്ക്ക് തിരിഞ്ഞുനോക്കേണ്ടി വന്നിട്ടുമില്ല. ലുക്കാ, പതിനെട്ടാം പടി, പിടികിട്ടാപ്പുള്ളി തുടങ്ങിയ സിനിമകളിൽ നായികയായി അഹാന അഭിനയിച്ചു. ഇൻസ്റ്റാഗ്രാമിൽ സജീവമായ അഹാനയ്ക്ക് മൂന്ന് അനിയത്തിമാരുമുണ്ട്. ചേച്ചിയെ പോലെ തന്നെ കലാകാരികളാണ് അവരും.
അഹാനയ്ക്ക് ഒപ്പം ടിക്-ടോക്, റീൽസ് തുടങ്ങിയ പ്ലാറ്റുഫോമുകളിൽ വീഡിയോസ് ചെയ്ത് മലയാളികൾക്ക് സുപരിചിതരായവരാണ് മൂവരും. ദിയ, ഇഷാനി, ഹൻസിക എന്നിങ്ങനെയാണ് അഹാനയുടെ അനിയത്തിമാരുടെ പേരുകൾ. ഒരു ഇടവേളയ്ക്ക് ശേഷം അഹാന തന്റെ ആരാധകർക്ക് വേണ്ടി ഒരു ഡാൻസ് റീൽസ് ചെയ്ത് അത് പങ്കുവച്ചിരിക്കുകയാണ്.
കാത്തുവാക്കുള രണ്ട് കാതൽ എന്ന സിനിമയിലെ ‘ഡിപ്പം ഡപ്പം’ എന്ന് തുടങ്ങുന്ന ഗാനത്തിനാണ് അഹാന ചുവടുവച്ചത്. ജിമ്മിൽ വച്ചാണ് അഹാന ഈ ഡാൻസ് ചെയ്തിരിക്കുന്നത്. ഈ ലൂപ്പ് ഭയങ്കരമായി ഇഷ്ടപ്പെട്ടു എന്നാണ് അഹാന ഡാൻസിനൊപ്പം കുറിച്ചത്.
