ബിഗ് ബോസ് മലയാളം സീസൺ 7 അൻപത് എപ്പിസോഡ് പൂർത്തിയാക്കി, ഏറ്റവുമൊടുവിൽ റെന ഫാത്തിമ ഹൗസിൽ നിന്നും എവിക്ടായി. റെന പുറത്താവണം എന്ന് നേരത്തെ ആഗ്രഹിച്ചിരുന്ന ഒരുപാട് ആളുകളുണ്ടായിരുന്നു. പക്ഷേ ഒന്നിഷ്ടപ്പെട്ടു തുടങ്ങുമ്പോഴേക്കും ഇപ്പോൾ പുറത്താകേണ്ടിയിരുന്നില്ല എന്നാണ് വരുന്ന കമന്റുകൾ. എന്തായാലും അൻപത് ദിവസം എങ്കിലും ബിഗ് ബോസ് ഹൗസിൽ കഴിയുക എന്ന ആഗ്രഹം പൂർത്തിയാക്കി എന്ന കൃതാർത്ഥതയോടെയാണ് റെന ഫാത്തിമ പുറത്തേക്ക് എത്തിയത്.
ചെന്നൈയിൽ നിന്ന് കോഴിക്കോട് വിമാനത്താവളത്തിലേക്ക് വന്നിറങ്ങിയ റെനയുടെ ഫോട്ടോകളും വീഡിയോകളുമൊക്കെയാണ് ഇപ്പോൾ വൈറലാവുന്നത്. കാമുകൻ ആലിബിനെ കണ്ടപ്പോഴേക്കും കെട്ടിപ്പിടിച്ച് സന്തോഷം പ്രകടിപ്പിച്ചു. ബിഗ് ബോസിൽ ബിന്നി, നൂറ, ജിസെൽ എന്നിവരൊക്കെയുമായി ഉണ്ടായിരുന്ന സൗഹൃദത്തെ മിസ്സ് ചെയ്യും എന്ന് റെന പറയുന്നു.
റെന ഏറ്റവും അധികം വിമർശിക്കപ്പെട്ടത് ശബ്ദത്തിന്റെ പേരിലായിരുന്നു. ശബ്ദം വലിയ പ്രശ്നമാണ്, പലരും വെറുക്കുന്നു എന്ന് മനസ്സിലായത് ജിഷിൻ ചേട്ടൻ വന്ന് പറഞ്ഞതിന് ശേഷമാണ്. അഖിൽ മാരാര് ചേട്ടൻ വന്നപ്പോഴും അതെനിക്ക് മനസ്സിലായി. പക്ഷേ നിങ്ങൾ മൈക്കിലൂടെ കേൾക്കുന്നത് പോലെയല്ല, നേരിട്ട് അവിടെ സംസാരിക്കുമ്പോൾ മറ്റുള്ള എല്ലാവരെക്കാളും ശബ്ദം കുറവാണ് എനിക്ക്. അതങ്ങനെയൊക്കെ സംഭവിച്ചു പോയി എന്ന് റെന പറയുന്നു.
ബിഗ് ബോസിൽ നിന്ന് നേരത്തെ പുറത്തായ പല മത്സരാർത്ഥികളും പറഞ്ഞ പരാതിയാണ്, നൂറ് ദിവസത്തെ ഡ്രസ്സ് എടുത്ത് പണി കിട്ടി എന്ന്. ലക്ഷങ്ങൾ ചെലവാക്കി നൂറ് കോടി ഡ്രസ്സ് വാങ്ങിയിട്ട്, ബിഗ് ബോസിന്റെ ഏഴിന്റെ പണി കാരണം അതൊന്നും ധരിക്കാൻ സാധിച്ചില്ല. ധരിക്കാൻ അവസരം ലഭിച്ചപ്പോഴേക്കും പുറത്താകുകയും ചെയ്തതായി പലരും പറഞ്ഞിരുന്നു. എന്നാൽ ഡ്രസ്സിന്റെ കാര്യത്തിൽ ഞാൻ കൂടുതലൊന്നും കാശ് ചെലവഴിച്ചിട്ടില്ല എന്ന് റെന ഫാത്തിമ പറയുന്നു.
എന്റെ കൈയ്യിൽ 35-40 ഡോജി ഡ്രസ്സുകൾ മാത്രമേ ഉണ്ടായിരുന്നുള്ളൂ. സത്യം പറഞ്ഞാൽ ഞാൻ ഡ്രസ്സിന് വേണ്ടി അധികം പൈസയൊന്നും ചെലവാക്കിയിരുന്നില്ല. എനിക്ക് കുറേ കൊളാബ് കിട്ടിയിരുന്നു. ബിഗ് ബോസിലേക്ക് പോകുമ്പോൾ ഞാൻ ശരിക്കും പാപ്പരായിരുന്നു- എന്നാണ് റന ഫാത്തിമ പറഞ്ഞത്.
