നടി ശ്രീരഞ്ജിനി അമ്മയായി; കൊവിഡ് താണ്ടി അവനെത്തി.!

0
118

അഭിനേത്രിയും നര്‍ത്തകിയുമായ ശ്രീരഞ്ജിനി അമ്മയായി. സഹോദരനും സംവിധായകനുമായ ബിലഹരിയാണ് ഈ സന്തോഷവാര്‍ത്ത പങ്കുവെച്ചത്. അമ്മയുടേയും കുഞ്ഞിന്റേയും ചിത്രവും അദ്ദേഹം പങ്കുവെച്ചിരുന്നു. കൊവിഡിനോട് തങ്ങള്‍ പൊരുതിയതിനെക്കുറിച്ചും അദ്ദേഹം വിവരിച്ചിട്ടുണ്ട്. അള്ള് രാമേന്ദ്രന്‍, പോരാട്ടം തുടങ്ങിയ സിനിമകള്‍ സംവിധാനം ചെയ്തത് ബിലഹരിയാണ്. തണ്ണീര്‍മത്തന്‍ ദിനങ്ങളിലെ അശ്വതി ടീച്ചറെ അവതരിപ്പിച്ചതോടെയാണ് ശ്രീരഞ്ജിനി ശ്രദ്ധിക്കപ്പെട്ടത്. ബിലഹരിയുടെ കുറിപ്പിലൂടെ തുടര്‍ന്നുവായിക്കാം.

അനിയത്തിക്ക് കുറച്ചു ദിവസങ്ങൾക്ക് മുമ്പ് കോവിഡ് പോസിറ്റിവ് ആയിരുന്നു , അവൾ പ്രെഗ്നന്റും ആയിരുന്നു. ഡോക്റ്റർ ഡെലിവറി ഡേറ്റ് പറഞ്ഞ തീയതിക്ക് 24 ദിവസങ്ങൾക്ക് മുമ്പാണ് അവൾ പോസിറ്റിവ് ആയത്. എല്ലായിടത്തെയും പോലെ ചുറ്റുമുള്ള വാർത്തകളും , ഭയപ്പെടത്തലുമെല്ലാം ഈ സാഹചര്യത്തിൽ സ്വാഭാവികമാണല്ലോ. വീട്ടിലും എല്ലാവരും ഭയന്നു. വാർത്തയറിഞ്ഞു കൊച്ചിയിലെ ഫ്‌ളാറ്റ് വിട്ട് ഞാനും അവർക്കൊപ്പം വീട്ടിൽ നിന്നു. ഹാർട്ടിന് ബുദ്ധിമുട്ടുള്ള അച്ഛനെയും , പ്രായമായ അമ്മൂമ്മയേയും ബന്ധുവീട്ടിലയച്ചു.

srh

എന്റെ അനിയത്തിയും , അവളുടെ ഭർത്താവും നല്ല സ്ട്രോങ്ങ് ആയിരുന്നു. പേടിച്ച അമ്മയോട് ഞങ്ങൾക്ക് പറയാനുണ്ടായിരുന്നത് തൽക്കാലം പുറം വാർത്തകൾക്ക് വിശ്രമം കൊടുക്കുക , ഒരു സത്യം അത് ആക്സപ്റ്റ് ചെയ്‌താൽ പിന്നെ അതിനോട് പെട്ടെന്ന് പൊരുത്തപ്പെടാൻ പറ്റും എന്ന് തന്നെയായിരുന്നു. കോവിഡ് രോഗികളെ എല്ലാ ഹോസ്പിറ്റലുകളും ഡെലിവെറിക്ക് അഡ്മിറ്റ് ചെയ്യില്ല എന്നൊരു ടെൻഷൻ കിടക്കുമ്പോഴും അവൾക്ക് ഈ ടൈമിൽ പെയിൻ വന്നാൽ അമൃത പോലുള്ള ആശുപത്രികളിൽ ഒരു സേഫ്റ്റിക്ക് കൊണ്ടുപോകാനുള്ള പ്ലാൻ ബിയും റെഡിയാക്കിയിരുന്നു.

ഉള്ളിലെ കുഞ്ഞിന് ഇൻഫെക്ഷൻ ഉണ്ടാവാതിരിക്കാൻ അവളുടെ husband എല്ലാ ദിവസവും അവൾക്ക് ഇൻജെക്ഷൻ എടുത്തിരുന്നു ( ആർക്കും ചെയ്യാവുന്ന ഇൻസുലിൻ എടുക്കുന്ന പോലുള്ള ഒന്നാണിതും – മെഡിസിൻ തണുപ്പിച്ച് സൂക്ഷിക്കണം എന്ന് മാത്രം .) . അങ്ങനെ ഇരിക്കുമ്പോൾ ആണ് സംസ്‌ഥാനത്ത് lockdown വരുന്നത് . പോരാത്തതിന് ന്യൂസുകൾ കണ്ടാൽ ടെൻഷൻ വെറുതെ കൂടും.

tedj

ഞങ്ങൾ വീടിനകത്ത് മാസ്ക് വച്ച് , ചിട്ടയായി മരുന്നുകളും , മറ്റു ക്രമീകരണങ്ങളും പിന്തുടർന്നു . സാനിറ്റയ്‌സറിൽ എല്ലാത്തിനെയും മുക്കി . അനിയത്തിക്ക് ഒരു മുറിയിൽ quarantaine space നൽകി , എല്ലാ ആവശ്യങ്ങളും നടത്തിക്കൊടുത്തു . ഇടയ്ക്കൊരു ദിവസത്തെ വോമിറ്റിങ് ഒഴിച്ചാൽ അങ്ങനെ വേറെ പ്രശ്നങ്ങളൊന്നും അവൾക്കുണ്ടായില്ല . ഞങ്ങൾക്കാർക്കും വേറെ ബുദ്ധിമുട്ടുകളും ഉണ്ടായില്ല. ദിവസങ്ങൾ കഴിഞ്ഞു !! ഈ lockdown സമയത്തും ആശുപത്രിയിൽ ടെസ്റ്റിന് പോകാൻ റോഡിൽ ഒരു പ്രശ്നങ്ങളും നേരിടേണ്ടി വന്നില്ല !! അങ്ങനെ അനിയത്തിക്കും , അളിയനും ഒക്കെ covid നെഗറ്റീവ് ആയി . ഇന്നലെ വൈകീട്ട് അവൾ പ്രസവിച്ചു , നോർമൽ ഡെലിവറി ആണ് .. കുഞ്ഞിന് ആവശ്യത്തിന് തൂക്കമുണ്ട് , മിടുക്കനായി അവൻ ഈ ലോകത്തിനു മുമ്പിൽ കണ്ണുകൾ തുറന്നിരിക്കുന്നു . ഞാനൊരു അമ്മാവനായിരിക്കുന്നു.

185634824 145777247563209 95083510556388856 n

ഞങ്ങൾ വാവ എന്ന് വിളിക്കുന്ന അനിയത്തി ശ്രീരഞ്ജിനിയെ നിങ്ങൾ സിനിമയിലൂടെയും , ഷോർട്ഫിലിമുകളിലൂടെയും ചിലപ്പോൾ അറിയും. അവൾ ഇതിനെയെല്ലാം മിടുക്കിയായി നേരിട്ട് ഇപ്പോൾ നല്ല ആരോഗ്യവതിയായിരിക്കുന്നു .. കോവിഡ് ഒക്കെ അതിജീവിക്കാൻ നമ്മുടെ അമ്മമാർക്കും, കുഞ്ഞുങ്ങൾക്കുമെല്ലാം നല്ല കരുത്താണെന്നേ .. അതുകൊണ്ടു തന്നെ ഒരമ്മയും നിറവയറും വച്ച് കോവിഡ് വന്നു എന്ന ഭീതിയിൽ ടെൻഷനടിച്ചു നിൽക്കരുത് . ധൈര്യത്തോടെ നേരിടുക . വർത്താനം കുറച്ചൂടെ മാനുഷികമാക്കി പറഞ്ഞാൽ – മാനസികമായി കരുത്തോടെ അങ്ങ് നേരിട്ടാൽ എല്ലാം പോസിറ്റിവും , കൊറോണ നെഗട്ടീവും ആയിക്കോളും ..അപ്പൊ ചെറിയ പെരുന്നാൾ ആശംസകൾ എന്നും പറഞ്ഞായിരുന്നു ബിലഹരി കുറിപ്പ് അവസാനിപ്പിച്ചത്.

111

LEAVE A REPLY

Please enter your comment!
Please enter your name here