പഠനത്തിൽ മിടുക്കി, ഉപ്പയെ സഹായിക്കാനായി പത്രവിതരണം; അൽഫിയാണ് താരം

0
10

കോതമംഗലം: മഴയും മഞ്ഞും വ്യത്യസ്ഥമാക്കുന്ന​ പുലരികളിലും നെല്ലിക്കുഴി ചിറപ്പടി മുതൽ ഇരമല്ലൂർ അമ്പാടിനഗർ വരെയുള്ളവരെ വാർത്ത കൊണ്ട് ഉണർത്തുന്നത് അൽഫിയയാണ്. ഇരമല്ലൂർ പള്ളിപ്പടി പുതിയതൊട്ടിയിൽ അനസ്-ജാസ്മിൻ ദമ്പതികളുടെ രണ്ടാമത്തെ മകൾ അൽഫിയ അനസാണ് ഓരോ വീടിനു മുന്നിലും സൈക്കിളിലെത്തി പത്രവിതരണം നടത്തുന്നത്.

119553523 3985870934774750 6306091904235518867 n
reshmi

സൈക്കിൾ ചവിട്ടാൻ പഠിച്ചത് മുതൽ പത്ര ഏജൻറായ പിതാവിനെ സഹായിക്കാൻ മകൾ എത്തുമായിരുന്നു. പിന്നീട്​ രണ്ട് കിലോ മീറ്റർ ചുറ്റളവിൽ 100ൽപരം വീടുകളിൽ പത്രവിതരണം അൽഫിയ ഏറ്റെടുക്കുകയായിരുന്നു. രാവിലെ ആറിന് നെല്ലിക്കുഴി ഹൈസ്കൂളിന് സമീപം പിതാവ് കോതമംഗലത്തു നിന്ന് എത്തിക്കുന്ന പത്രങ്ങൾ സൈക്കിളി​ൻ്റെ മുന്നിലെ ബാസ്കറ്റിൽ വെച്ച് വിതരണം ആരംഭിക്കും. ഒന്നര മണിക്കൂർകൊണ്ട് ത​ൻ്റെ പരിധിയിലെ എല്ലാ വീടുകളിലും എത്തിച്ച് മടങ്ങിയെത്തും.

119478727 3985871061441404 8044268799035207819 n

നെല്ലിക്കുഴി ഗവ. ഹൈസ്കൂളിൽനിന്ന്​ കഴിഞ്ഞ എസ്.എസ്.എൽ.സി പരീക്ഷയിൽ ഒമ്പത് എ പ്ലസ് നേടി മികച്ച വിജയം കരസ്ഥമാക്കുകയും ചെയ്തിരുന്നു. ട്യൂഷന് പോലും പോകാതെയാണ് ഈ നേട്ടമെന്നത് ശ്രദ്ധേയമാണ്പ്ലസ് വണ്ണിന് ചെറുവട്ടൂർ മോഡൽ ഹൈസ്കൂളിൽ ബയോളജി സയൻസിൽ അഡ്മിഷൻ കാത്തിരിക്കുകയാണ്. പത്രവിതരണത്തിന് പിതാവിനെ സഹായിച്ചശേഷം സ്കൂളിലെത്താൻ കഴിയുമെന്ന നേട്ടവും ജോലി സാധ്യതയുമാണ് കോഴ്സ് തെരഞ്ഞെടുപ്പിൻ്റെ പിന്നിലെന്ന് അൽഫിയ പറയുന്നു. അൻസില, ആദില, ആലിയ എന്നിവർ സഹോദരിമാരാണ്.

LEAVE A REPLY

Please enter your comment!
Please enter your name here