നടന് ബാലു വര്ഗീസും നടിയും മോഡലുമായ എലീന കാതറിന്റെയും വിവാഹ നിശ്ചയം കഴിഞ്ഞു. ഇരുവരും ഏറെ നാളായി പ്രണയത്തിലായിരുന്നു. വലിയ ആർഭാടമായി തന്നെ ആണ് റിസപ്ഷൻ നടത്തിയത്. ആസിഫ് അലിയുമൊത്ത് ഡാൻസ് കളിച്ച് ആണ് ബാലു സ്റ്റേജിൽ എത്തിയത്. കഴിഞ്ഞ മാസം എലീനയുടെ പിറന്നാളാഘോഷ ദിനത്തില് ബന്ധുക്കളുടെയും സുഹൃത്തുക്കളുടെയും സാന്നിധ്യത്തില് ബാലു എലീനയെ പ്രൊപ്പോസ് ചെയ്തിരുന്നു. കഴിഞ്ഞ ജനുവരിയില് നടന്ന പെണ്ണുകാണല് ചടങ്ങിന്റേതുള്പ്പടെ തങ്ങളുടെ ജീവിതത്തിലെ സന്തോഷ നിമിഷങ്ങള് കോര്ത്തിണക്കിയുള്ള ഇന്സ്റ്റഗ്രാം സ്റ്റാറ്റസും താരം പങ്കുവച്ചിട്ടുണ്ട്. ആസിഫ് അലിയും ഐശ്വര്യ ലക്ഷ്മിയും നായികാ നായകന്മാരായെത്തിയ വിജയ് സൂപ്പറും പൗര്ണമിയും എന്ന ചിത്രത്തില് ഇരുവരും ഒന്നിച്ചഭിനയിച്ചിരുന്നു.
ലാല് ജോസ് സംവിധാനം ചെയ്ത ‘ചാന്തുപൊട്ട്’ എന്ന ചിത്രത്തിലൂടെയാണ് ബാലു വര്ഗീസ് സിനിമയില് അരങ്ങേറ്റം കുറിച്ചത്. ഒമര്ലുലു സംവിധാനം ചെയ്ത ‘ചങ്ക്സ്’ എന്ന ചിത്രത്തില് നായകനായി എത്തിയത് ബാലുവായിരുന്നു. ഇതിഹാസ, ഹണീ ബീ, കിംഗ് ലയര് എന്നിവയാണ് ബാലു വര്ഗീസിന്റെ ശ്രദ്ധേയമായ ചിത്രങ്ങള്. റിയാലിറ്റി ഷോയിലൂടെ തുടക്കം കുറിച്ച് സൗന്ദര്യ മത്സര വേദികളിലും മോഡലിംഗ് രംഗത്തും സജീവമാകുകയായിരുന്നു എലീന. മിസ് ദിവ, മിസ് സൗത്ത് ഇന്ത്യ, മിസ് ഇന്ത്യ ഗ്ലാം വേള്ഡ് തുടങ്ങിയ വേദികളില് മികച്ച പ്രകടനം കാഴ്ചവച്ച എലീന മിസ് ഗ്ലാം വേള്ഡില് ഇന്ത്യയെ പ്രതിനിധീകരിച്ച് രണ്ടാം സ്ഥാനത്തെത്തുകയും ചെയ്തിരുന്നു.
